Venerdì 25 agosto 2017: ore 21.00 – S.Messa a S. Andrea in memoria di Don Luigi Colnaghi

Echi del mio fiume in pdf

La fede, la musica, la mia gente

Ricordo di don Luigi Colnaghi

Video realizzato con le immagini tratte dal libro “Echi del mio fiume”

Video

le tre croci di Don Luigi

Don Luìis
A vintitrìi ann l’è stai cunsacrà
E ul so destìin subit segnà.
La vucaziùun l’è ‘na gran furtuna,
mia riservada a chi pensa de nàa sula luna,
ma a chi decìid de dedicàa tutt ul so impegn
par i pover, i debul e chi gh’ha mia de sustegn.
In dul 1965 l’è rivà da Ieràagh a fàa ul cugitòor
e par S. Andrea l’è stai un d’ùun dul Sign’òor.
Alora ul paèes l’eva pièen de tanti miscredent:
l’ha vultà indrè i manigh par cunquistàa la gent.
In dul 1973 l’è diventà prevost dul paèes
e l’ha cuntinuà la so opera cunt tanti bei imprèes.
L’ha fundà ul coro Prealpi, l’ha rifai la gesa;
adess tanti bei oper l’abelisen oltre ogni atesa
anca ul campanìin l’è stai restauràa
e mo’ el mostra nova gloria par la comunità.
Ul centro giuvanìil l’è ‘na so iniziativa speciàal;
l’e stai lu a fàa cress la cumpagnia teatràal.
Vùun di pussèe bei regai l’è la cà par i vecc abandunà,
un post par fàa vìiv decentement chi menu furtunà.
Lù 1’è un punt precìis de riferiment
par dagh aiut muràal (e anca dan’èe) ala pora gent.
L’è facil scuprìi la so amicizia, la so sensibilità,
sott a’na scorza a prima vista ruvida che lù el s’è creà.
La so vita, par chi le cugnoss, l’e esempl’àar, ‘na vita vera,
mia de sicùur ‘me certi prèet de Curia prunt a fàa carriera.
Però a ‘sto punto bisogna tiràa fò alm’èen un difett
e mì’ vù’ un vori segnalavel in perfet dialett.
Par tuta la vita l’è stai nemìis du l’acqua mineràal,
però’ par furtuna se trata d’un pecàa propi veniàal.
Credi che sìi tucc d’acord par un grazie de còor al Don Luìis,
un prèet di nost, un prèet giust, un prèet cui barbìis.
Mauro Marchesotti