Premiazione concorso “CARTA E PENNE”
Classifica della 3^ edizione del concorso “Carta e penne”:
1) sig.a Norma Bombelli “Ul Santé du la pas” con 24 punti
2) sig. Alberto Palazzi “Ghel davum nunc ul panel” con 23 punti
3) sig.a Maria Gabriella Piotoo “Speranza” con 22 punti
Medaglia d’argento il nostro direttore Alberto Palazzi.
Complimenti ai vincitori.
Pubblichiamo la poesia di Alberto Palazzi
Ghel davum nunch ul panel!
Giusta quater paroll trai giò a re bona
rimà un poo inscì, a re carlona
par regurdaa un laoor storicament impurtant
la “Linea Cadorna”, dal nom dur famoos cumandant.
Even i primm ann dul novcent
quand sin metù a cercaa gent
par faa sù ‘ne linea de furtificaziun
che prutegess ai spall tute re naziun.
De omen n’han truà, anca se l’eva uno strano ufizi
ma par e patria se faseva vulentera sacrifizi
re paga l’eva ‘ne miseria, l’eva chel che sia,
ma cara grazia! a chi temp de lauraa ghe n’eva mia!
Re matina bunora i omen se truaven in paees
e partiven in bicicleta a squader de vot o dees,
tacà sù su re cana une bursina
cun du toch de pan e ne furmagina.
A bass lasaven giò re bicicleta
e poo su a pè tut a maneta
su fino in scima a re muntagna
cui baì in spala e i fèr dent une cavagna.
G’han dai sot senza mai dismet
han fai böcc, muragliun, santee e cunet
tra ‘ne smagia de frambos e vuna de ludriun
han trai in pee tut une fira de pustaziun
tut par videe de tegn indrè i Tugnit
che altrimenti sarien nii giò ‘me fuit.
Tanti lauraa, tanti bei rop
ma par furtuna han mai caregà un sciop
parchè i Tugnit in passà giò pussee in là
e chi de nunch in mai rivà.
Inmò incoo se po’ videe tut sti furtificaziun
tut fai su par not e mai ni bun
però, lasemel dii, saria mia nanca stai tant bell
ma se rivaven giò, ai tugnit ghel davum nunch ul panel!
Dal regolamento del concorso
